БАЧИНЦИ – На швето апостола и євангелисти Луки, всоботу, 31. октобра, наша церква и вирни у Бачинцох преславели храмове швето – Кирбай.
Архиєрейску Службу Божу предводзел апостолски еґзарх за грекокатолїкох у Сербиї кир Георгий Джуджар, а сослужовали священїки з нашого Апостолского еґзархату и з Крижевского владичества, як и римокатолїцки з Дяковецко-осиєцкого, Суботицкого и Сримского владичества.
У казанї преосвящени владика бешедовал о апостолово Лукови и його значеню у християнским живоце и вирним повинчовал щешлїви и благословени Кирбай.
По Служби Божей бул традицийни обход коло церкви з читаньом євангелийох, а на концу одшпиване „Многолїтствиє”.
На Служби було госцох з рижних наших местох, а по Богослуженю, Бачинчанє з госцами преславу Кирбаю предлужели у своїх обисцох.
