Волонтере нащивели церкву и музейну збирку

автор сен
1.2k Опатрене

РУСКИ КЕРЕСТУР – Роботи на Волонтерским кампу у Руским Керестуре иду барз добре, та поробене шицко цо дотераз було заплановане – украшени мури у дзецинскей заградки, офарбени слупи Хресней драги у Водици, як и планована часц огради на теметове, а нєшка волонтером остало ище офарбиц драбинки, ручки и огради на базену.

Вчера млади активисти нащивели Катедралну церкву св. о. Миколая у Керестуре и музейну збирку у Замку, дзе им о експонатох бешедовал историчар мср Сашо Сабадош.

Попри роботи, упознаваю ше и з културу и обичаями Руснацох, а вечарами з музику зашпиваю и по руски, понеже окрем Керестурцох, на Кампу и двоме Руснаци з Горватскей – Иван Лїкар з Миклошевцох, котри грає на гармоники и Матей Бурчак з Вуковару, котри грає на тамбурки.

Гоч того року єст менєй иножемних волонтерох, ґу нїм ше кажди дзень добродзечнє приключую и числени млади, та и старши Керестурци, котри доприноша лєпшому випатрунку валалу.

ПОВЯЗАНИ ТЕКСТИ