Уж традицийни Медзинародни волонтерски камп „Summer in Ruski Krstur” („Лєто у Руским Керестуре”) почал пондзелок, 17. авґуста и будзе тирвац по конєц мешаца. Як и прешлого року, камп роботного характеру, а того тижня волонтере биля мури у керестурскей оводи. За идуци тидзень заплановане ушорйованє старей часци теметова, робота хтору започали волонтере на прешлорочним кампу, а хтору нє було часу детальнєйше поробиц.
На кампу участвую шесцеро волонтере зоз иножемства, и то зоз Турскей, Шпаниї, Русиї, Финскей и Ческей, двойо волонтере зоз Сербиї и млади зоз Руского Керестура. Под час кампу, за волонтерох буду орґанизовани вецей активносци чий циль запровадзованє контакту зоз руску заєднїцу, упознаванє зоз єй функционованьом, нашу културу и обичаями.
Волонтере котри нє зоз Керестура змесцени у Доме школярох школи „Петро Кузмяк”, а просториї за костиранє того року уступел Церковни одбор и Каритас. Лидер волонтерского кампу Иван Канюх поволує людзох котри у можлївосци, же би помогли так же донираю поживу, лєбо фляшовану воду, а хто жада помогнуц може му ше явиц на число телефона 064/6131958.
Орґанизатор волонтерского кампу Туристичне здруженє Руски Керестур, а финансую го Месна заєднїца Руски Керестур и Национални совит, прейґ Роботного цела за младеж.