НОВИ САД – Всоботу, 18. априла, Милош Вучевич знова вибрани за предсидателя Городского одбору (ГО) Сербскей напредней странки (СНС) у Новим Садзе, а вибор бул єдногласни, понеже за ньго гласали 290 делеґати, кельо були на виберанковей скупштини ГО СНС.
Вучевич з тей нагоди визначел же пред штирома роками, на початку прешлого мандату, СНС у новим Садзе мала 5 000 членох, а тераз ма 22 000. Вон шицким присутним поручел же у наиходзацим периодзе СНС у Новим Садзе муши баржей робиц на злєпшованю комуникациї членох странки з функционерами, а странка ше будзе пририхтовац и за покраїнски и локални виберанки.
По Статуту странки, подпредсидательох ГО и предсидательох дзепоєдних його совитох ше вибера на предкладанє предсидателя Одбору, а то, як гварел Вучевич, будзе поробене пошвидко.