РУСКИ КЕРЕСТУР – З парохийного Каритасу у Руским Керестуре вчера вечар одвежена помоц хтору Керестурци за мешец и пол назберали за интерно розселєних у України, пре войну на востоку тей жеми. Назберана тона облєчива и 200 кґ поживи, як и менша часц средствох за гиґиєну.
Як за Рутенпрес гварел директор еґзархатского Каритасу, котри и окончователь длужносци координатора керестурского Каритасу Янко Катона, волонтере Каритасу, найвецей млади, помоц педантно пририхтали за превоженє, класификовали и утоварели до камиона.
Помоц перше одвежена до нашей новосадскей парохиї, одкаль нєшка ма буц транспортована до України.
