Гражданє ше поносую на вше заступеншу дискриминацию

автор бета/сен
1k Опатрене

БЕОҐРАД – Вчера означени Медзинародни дзень толеранциї, а з тей нагоди з Кабинету Поверенїци за защиту ровноправносци Бранкици Янкович сообщене же того року зазначене звекшанє числа жалбох гражданох. Найрозширенша дискриминация на основи полу и националней припадносци, а дискриминовани и особи з инвалидитетом, та одредзени старосни ґрупи гражданох.

Дискриминованє на основи полу приявйовали преважно жени, а аж 97 жалби придали жени котри директно були очкодовани зоз Законом о способе одредзованя максималного числа занятих у явним секторе, односно з його спорну одредбу на основи хторей скорей мушели пойц до пензиї. Пре интервенцию Поверенїка за защиту ровноправносци и Защитнїка гражданох, Уставни суд претаргнул применьованє тей одредби.

Национална припадносц и етнїчне походзенє друга по шоре причина за дискриминованє гражданох. Того року 13,6 одсто жалбох було на таку файту дискриминациї, а з того числа трецину жалбох дали припаднїки ромскей националней меншини.

ПОВЯЗАНИ ТЕКСТИ