НОВИ САД – На Площи шлєбоди у Новим Садзе нєшка и ютре тирва гуманитарна акция „Женом за дзеци“, а назберани средства буду уплацени до Фонду за лїченє дзецох у иножемстве. У рамикох акциї будзе отримани подобови конкурс, Фестивал дарункох и наступи школох на даскелїх локацийох у городзе.
На подобовим конкурсу з тему „Вона то заслужела“ можу участвовац шицки новосадски школи, а найлєпши рисунки буду вихасновани за илустрованє винчованкох за жени з нагоди 8. марца. Наградзени роботи виложени на Площи шлєбоди по 8. марец, у рамикох Фестивалу дарункох, дзе найлєпши авторе достаню награди.
У центре поставени и шатор у хторим ше предава прикраски, квеце, вина, чоколади и други лакотки, а викладаче ше приключели ґу акциї, та кажди з нїх уплаци 1 000 динари до Фонду за лїченє.