КОЦУР – У голу Основней школи „Братство єдинство” у Коцуре вчера дополадня отримани Крачунски гуманитарни вашар, на хторим школяре понукали свойо роботи и лакотки. По одлуки Школярского парламенту, назберани пенєж будзе придати особи котра ше лїчи од малиґней хороти.
На Вашаре участвовали шицки школяре Школи, а бул отворени за шицких нащивительох.
Школяре свойо виробки и лакотки правели дома, з родичами, и на годзинох подобовей култури и технїчного образованя. Були виложени рижни прикраски, икебани, карточки, колачи, а найвекшу увагу виволали капущанїки.
