РУСКИ КЕРЕСТУР – З Месней заєднїци Руски Керестур Рутенпресу вчера явене о пременки способу збераня гуманитарней помоци власнїкови концом прешлого мешаца згореней хижи у Руским Керестуре, хтора будзе витворена лєм прейґ уплацованя добродзечних прилогох на наменски рахунок, а нє и прейґ нащивйованя керестурских обисцох.
Шицки котри жадаю помогнуц, без огляду на место биваня, свой добродзечни прилог можу уплациц на наменски рахунок власнїка Янка Пастернака: 200-64285343-72 у Поштанскей шпоровнї (Poštanska štedionica a.d. Beograd).
Вивершни одбор Месней заєднїци поволує Керестурцох и людзох добрей дзеки з других местох же би участвовали у тей гуманитарней акциї.