ШИД – Дванасти по шоре Фестивал тамбурових оркестрох „Мелодиї Руского двору“ з провадзацима програмами будзе отримани нєшка у Шидзе.
На 17 годзин буду отворени етно-штанди, як и вистава малюнкох Ратка Торми, маляра зоз Беркасова, а потим и промоция кнїжки „Гласи и часи – 70 роки Рускей редакциї Радио Нового Саду“.
Змагательна часц Фестивалу почнє на 19 годзин на лєтнєй бини у порти Лєтнєй владическей резиденциї. Наступ оркестрох будзе оценьовац жири хтори додзелї три награди. Свою оцену да и публика на своїх гласацких лїсткох.
Орґанизатор Фестивала КПД „Дюра Киш“, а уходнїца кошта символични 100 динари. Кед будзе подла хвиля, Фестивал будзе отримани у сали Културно-образовного центра.