ДЮРДЬОВ – У рамикох Дзецинкого тижня, штварток, 8. октобра, у ОШ „Йован Йованович Змай” у Дюрдьове отворени два нови учальнї – Медиятека и лєтня учальня у дворе Школи.
Ушоренє учальнї-Медиятеки финансоване з проєкту Реґионална потримовка инклузивному образованю, а школяре з музичней, подобовей, новинарскей и литературней секциї, та парняцкого тиму у нєй отримали вецей роботнї з тему фамелиї.
Исти дзень у голу Школи члени парняцкого тиму и школярского парламенту писали писмени состави и кратки порученя з тему „Школа по мири дзецка”, хтори потим поквачени у конку школи, док школяре з Еко-тиму у дворе Школи посадзели жимжелєни древка.
Вчера, остатнї дзень Дзецинского тижня, Предшколску установу „Дюрдєвак” у Дюрдьове нащивели двоме полицає з Полицийней управи Жабель, котри у дворе дзецинскей заградки шицким дзецом бешедовали о безпечносци у транспорту.
