БАЧИНЦИ – Вчера, на Нєдзелю шлєпонародзеного, у церкви Святого апостола и єванеглисти Луки було шветочно, бо школяре другей класи основней школи, Михайло Пап и Антония Рац, достали Святу Першу причасц.
Службу Божу служели о. Юлиян Рац, протоєрей ставрофор и парох у Новим Садзе и о. Дарко Рац, протоєрей ставрофор и парох у Бачинцох.
Як памятку на тоту значну подїю у християнским живоце, после пригодней програми, о. Дарко Рац першопричашнїком подаровал дипломи и пацерки.