РУСКИ КЕРЕСТУР – Наймладши Керестурци, дзеци зоз Дзецинскей заградки Цицибан, вчера означели Шветови дзень защити животного штредку.
З тей нагоди, шицки дзеци вєдно зоз своїма воспитачками участвовали у вецей роботньох з котрима пошвецели окремну увагу очуваню околїска. Тиж так, обданїщово и предшколски ґрупи участвовали у символичней роботней акциї садзеня квеца и других вецейрочних желєнїдлох.
Квеце посадзели у дворе обєкту Цицибану, як и у дзецинским парку на Фрушкогорскей улїци.
Сезонске квеце подаровал розсаднїк Блаґоєвич, а вецейрочне желєнїдло розсаднїк Няради. Акция реализована у сотруднїцтве зоз Месну заєднїцу Руски Керестур.
