Дзешецеро Керестурци достаню средства з Покраїни

автор сен
1.3k Опатрене

НОВИ САД/РУСКИ КЕРЕСТУР – Медзи 168-ерима польопривреднїками котри достаню пенєж по Конкурсу за унапредзованє обласцох наводньованя, продукциї у пластенїкох, защити од каменцу, набавку опреми за фарми статку и преробок овоци и желєняви и 10-еро Керестурци, котри достали вєдно 516 288 динари, дознава Рутенпрес у Покраїнски секретарияту за польопривреду, водопривреду и лєсарство.

Покраїна з тим Конкурсом рефундує укладаня до наведзених пейцох обласцох у висини од 30 до 50 одсто, а шицки 10-еро Керестурци достаню повратни средства за наводньованє.

Покраїнска влада за 168 контракти видвоєла 145 милиони динари, з чого найвекша сума опредзелєна праве за рефундованє укладаня до опреми за наводньованє, цо значи нови 1 300 гектари под системами за наводньованє, гварел покраїнски секретар за польопривреду, водопривреду и лєсарство Бранислав Боґарошки на додзельованю контрактох вовторок, 17. мая.

 9-Kontrakti-02

ПОВЯЗАНИ ТЕКСТИ