Димитрий Цап отримал солистични концерт

автор апм
1.1k Опатрене

ВЕРБАС – У рамикох манифестациї „Музеї Сербиї 10 днї од 10 до 10”, вербаска публика вчера мала нагоду слухац солистични концерт мастера ґитари Димитрия Цапа.

На програми були дїла за ґитару Мерца, Диенса, Тадича, Реґондия и Бариоза, а орґанизатор концерту бул Културни центер Вербас.

Концерт отримани у шветочней сали Ґимназиї „Жарко Зренянин”, а публика, у хторей було и музичних фаховцох, барз добре реаґовала и з моцнима аплаузами потримала уметнїка, та вон виходзел и на бис.

Музичар Димитрий Цап з тей нагоди визначел же є задовольни з концертом, же концерт дарунок найблїзшим и шицким присутним, а уметнїка тих дньох чека и концерт у Братислави – у Амбасади Сербиї з нагоди законченя специялизациї. У Братислави тиж  наступи з програму хтору виведол у Вербаше.

ПОВЯЗАНИ ТЕКСТИ