ШИД – У Червеним крижу вчера, на законченю Манифестациї „Тидзень Червеного крижа”, додзелєни награди за найлєпши роботи на подобовим и литературним конкурсу „Крев живот значи” на хтори сцигли 202 подобово и 35 литературни роботи.
У катеґориї подобових роботох, од першей по штварту класу, наградзени пецеро школяре, од пиятей по осму класу шесцеро, а у катеґориї литературних роботох додзелєни по єдна перша, друга и два треци награди.
Шицки наградзени школяре за подобово роботи ходза до Основней школи „Бранко Радичевич” до Шиду, а єден школяр, Ненад Вучич зоз спомнутей школи, Одзелєнє у Бачинцох, а за литературни роботи перше место освоєла Емилия Миїч зоз Основней школи „Сримски фронт”, одзелєнє у Бикичу.
На законченю„Тижня Червеного крижа” отримани и приєм за волонтерох и активистох тей гуманитарней орґанизациї.