ПЕТРОВЦИ (ГОРВАТСКА) – З нагоди означованя Дня Руснацох у Републики Горватскей, внєдзелю 22. мая, у рамикох 25. Спортских бавискох „Яша Баков” отримани турнир у шаху за сениорох. Участвовали три екипи – з Миклошевцох, Руского Керестура и екипа домашнїх з Петровцох.
Кажда екипа мала по штирох бавячох и єдну резерву и кажда бавела з кажду, по 25 минути по бавячови. После трох колох перше место освоєли домашнї з Петровцох, у чиєй екипи бавели Иван Винтоняк, Славен Оруч, Илия Юрчевич и Звонимир Ерделї.
Друге место завжали Миклошевчанє, у составе Владо Кос, Здравко Звонарич, Пейо Єркович, Йосип Совар и Славко Ждиняк, а треце место завжала екипа ШК „Русин” з Руского Керестура, хтора бавела у составе: Владислав Штранґар, Дюра Венчельовски, Желько Маґоч, Давид Надь и Янко Хома, мл.
Петровчанє ше указали як одлични домашнї, алє и попри їх усиловносцох, на турнире участвовало мале число екипох, гоч по наших местох єст шаховски клуби и любительох шаху.
