ДЮРДЬОВ – После дворочней павзи, у Основней школи „Йован Йованович Змай” у Дюрдьове, попри двох сербских, формоване и руске оддзелєнє.
Першокласнїкох, як и других школярох, привитала Мария Тртич, директорка школи. До першей класи уписани 52 школяре, цо за петнац менєй як прешлого року. До руского оддзелєня уписани седмеро школяре хторих будзе учиц учителька Мелания Саламун.
З тей нагоди вчера у голу школи пририхтана кратка програма у котрей школяре другей класи шпивали и рецитовали на сербским и руским язику.
