НОВИ САД – Друге видео стретнуце зоз писательом Тодетом Николетичом отримане за учашнїкох на проєкту Едукация руских писательох за дзеци – Роботнї и сликовнїци.
Розгварку зоз Николетичом водзела одвичательна редакторка часописа за дзецу Заградка Мелания Римар, а знїмок доступни нє лєм учашнїком у креативних роботньох, алє и за явносц на линку: https://www.youtube.com/watch?v=M1Nz-TZahaY&ab_channel=FOTORuskeslovo
У креативних роботньох, котри тирвали од юния по авґуст участвовали понад 20 особи, углавним активни авторки/е котри пишу поезию и прозу за дзеци и одроснутих по руски, алє и нови авторки/е котри робя з дзецми, або по тераз нє обявйовали свойо твори за дзеци. Активни у писаню були 10 авторки, котри написали и послали 110 твори на тему Фарби и Родзини.
Резултат роботньох будзе сликовнїца за дзеци по руски у двох кнїжочкох Фарби и родзини, од єдного по седем роки возросту, котра будзе обявена у новембру у рамикох видавательней дїялносци НВУ Руске слово.
Тот проєкт реализовани зоз финансийну потримовку Буджетского фонда за национални меншини Министерства державней управи и локалней самоуправи.