ДЮРДЬОВ – Члени КУД „Тарас Шевченко” з Дюрдьова од 1. по 4, юлий участвовали на другей часци 19. Медзинародного фолклорного фестивалу народносцох и етнїчних меншинох „Швет под Кичеру” у Леґници, у Польскей, хтори орґанизує домашнї Лемковски фолклорни ансамбл „Кичера”.
На Фестивалє участвовали ансамбли з Индиї, Тайвану, Турскей, Колумбиї, Словацкей, Ческей, Израїлу, Русиї, два з Польскей и Дюрдьовчанє, котри представяли Руснацох зоз Сербиї и шицки з танцом, шпиванку и музику представели свою народну традицию.
На госцованю у Польскей бул танєчнїки Виводзацкей ґрупи, соло-шпиваче, Дзивоцка шпивацка ґрупа и орекстер КУД. Дюрдьовчанє у рамикох Фестивалу мали шейсц наступи у Леґници и сушедних местох, а участвовали и у дефилеох, вєдно з другима ансамблами.
Штерацецчлени ансамбл КУД „Тарас Шевченко” на госцованю предводзели предсидатель Дружтва Микола Кухар, предсидатель Скупштини Дружтва Мирослав Чакан и члени Управного одбору Владо Балїнт, Мирослав Саламун, Борис Балїнт и Саня Хромиш, котра помагала дзивком облєкац ше и зачесац за наступи.
Дюрдьовчанє и прешлого року участвовали на Фестивалє у Леґници, алє у його першей часци, а у другей часци теди госцовал ансамбл Дом култури Руски Керестур.