РУСКИ КЕРЕСТУР – После Утринї и раншей Служби Божей на 8 годзин и у Марийовим святилїщу Водица означене швето великомученїка Георгия, у народзе волане Дзуря, зоз пошвецаньом жита и читаньом штирох Євангелийох.
Службу служел керестурски парох о. Михайло Малацко, сослужел старовербаски парох о. АлексийГудак, а о. Михайло Шанта пре витор споведал у церквочки. Єванелию читал о. Гудак, а о. Малацко у казанї визначел же бизме жили по закону нєба и були подзековни же жиєме з Богом, у доме Господнїм.
После Служби Божей, по традициї, пошвецене жито и читана Євангелия. Вирни у порти церкви пред вечаршу Службу Божу котра була на 19 могли вжац пошвецене житко.