РУСКИ КЕРЕСТУР – За найлєпшого фодбалера Фодбалского клубу „Русин” за 2015. рок преглашени Деян Павлович, а припознанє за найгласнєйшого навияча „Русину” достал Иґор Няради.
Як то уж постало традицийне, преглашованє найлєпших було на Балу Фодбалского клубу „Русин”, хтори отримани всоботу, 16. януара, на чарди „Лонґов” у Руским Керестуре.
З музику „Пицикато-бенду” на Балу ше вешелєли терашнї и бувши члени Клубу, члени управи и спонзоре, даєдни навияче, як и рукометашки „Русину”. Була орґанизована и томбола и рулет танєц.
