РУСКИ КЕРЕСТУР – После гуманитарней акциї за Наташу Ґайдошову зоз Коцура, за хтору у Руским Керестуре назберане 40.746 динари, вчера порушана гуманитарна акция у хторей ше назберани пенєж будзе донирац Здруженю Белава птица зоз Кули.
Шкатули за добродзечни прилоги, за тото Здруженє, поставени у предавальньох – Тренд Би, Фреш-маркет, Ауто-делови Виславски, у кафичу Мала оаза, Транспортним центре Ковач и у ЯКП Руском, а до гуманитарних акцийох уключели ше и млади з валалу, хтори под час журкох на базену, хтори сами орґанизую, збераю и добродзечни прилоги.
Млади потераз пенєж донирали за Наташу Ґайдошову, а у координациї з Месну заєднїцу буду идалєй участвовац у акцийох.
Зоз назбераного пенєжу за Белаву птицу, Здруженє планує купиц шпоргет, климу и кухньови аспиратор, док им Церковни одбор обезпечи средства за купованє нового уцицовачу.