За новонародзене дзецко 10 тисячи

автор зам
898 Опатрене

КУЛА – Скупштина општини Кула прешлого пиятку, 30. октобра, принєсла Одлуку о финансийней потримовки фамелийом з дзецми и злєпшаню положеня дзецох у образованю и воспитаню, з хтору одредзени права на даваня у тей обласци.

Так єднократну помоц за кажде новонародзене дзецко (ткв. „беб-пакет”) у кулскей општини од тераз виноши 10 000 динари, кельо и мешачне надополнєнє нєзанятим положнїцом („мацерински додаток”) за треце и кажде шлїдуюце дзецко. Новорочни дарунок достанє перше народзене дзецко у новим року, у висини штреднєй плаци у општини.

З Одлуку одредзени и права на помоц дзецом и школяром – на безплатне пребуванє у дзецинскей заградки, на безплатну ужину у школи, на реґрес драгових трошкох за путованє до школи школярох з кулскей општини, на школярски награди, студентски стипендиї, як и на реґрес трошкох змесценя школярох и студентох у домох.

За спомнути, як и за социялни даваня прейґ Центру за социялну роботу, Дому за старих, та Червеному крижу и здруженьом з обласци социялней защити, у ребалансованим буджету Општини вєдно опредзелєни 86 милиони динари.

ПОВЯЗАНИ ТЕКСТИ