СЕРБИЯ – За преквалификацию ше найчастейше опредзелюю особи котри закончели штреднї школи, алє у остатнїм чаше вше частейше и високообразовани. Причина тому пренаходзенє роботи у иножемстве, дзе найлєгчейше доходза до роботи медицински технїчаре.
Пре условия на тарґовищу роботи, найчастейше ше преквалификую бувши школяре штреднїх медицинских школох. Понеже ше преквалификацию окончує на уровню штреднєй школи, млади котри закончели студиї медицини ше тиж за ню опредзелюю, понеже им у иножемстве испити зоз студийох нє буду припознати.
До єдного студента медицини котри ше школує о трошку держави, односно котри на буджету, держава рочнє уклада од 380 000 до 630 000 динари. Кед тоти особи пойду до иножемства, або пременя фах, випада же то руцени пенєж.