НОВИ САД – По проєктох за самообезпечованє роботи, Покраїнска влада обезпечела средства за отверанє 200 нових подприємствох. По словох покраїнского секретара за привреду, обезпечованє роботи и ровноправносц полох Мирослава Васина, у наиходзацим периодзе заплановане обезпечиц средства за ище 600 таки роботни места.
– Порушованє власного бизнису субвенционуєме зоз 160 000 динари, а заинтересованосц за самообезпечованє роботи барз велька, цо указує же намаганя же бизме порушали поднїмательску културу и инициятиву дали добри резултати – гварел Васин.
Даєдни з нових подриємствох и роботньох буду отворени дзекуюци програмом доквалификациї и преквалификациї, хтори Покраїнска влада реализує прейґ Едукативного центру за обуку у професийних и роботних схопносцох у Новим Садзе.