РУСКИ КЕРЕСТУР – Пре огень у хторим початком тижня скоро цалком знїщени квартель Дюру и Весни Папуґових, у улїци Иву Лоли Рибара у Руским Керестуре, Месна заєднїца (МЗ) Руски Керестур поруша акцию збераня помоци тей фамелиї, одлучене на вчерайшей схадзки Вивершного одбору МЗ.
За тераз помогнуц мож зоз уплацованьом пенєжу на рахунок 340-32289068-30 у Ерсте банки, чий приматель Весна Папуґа. Як порадзене на схадзки, у наиходзацих дньох у просторийох Месней заєднїци и Явного комуналного подприємства „Руском”, та дзепоєдних предавальньох и погосцительних обєктох буду поставени и окремни шкатули до хторих гражданє, котри маю можлївосц, годни донировац пенєж.
Представителє валалу з тей нагоди поволую шицких гражданох же би помогли Папуґовим же би себе знова обезпечели простор за биванє.
