КУЛА – Всоботу, 22. октобра, у грекокатолїцкей церкви св. Йосафата у Кули отримана литурґия з нагоди осемрочнїци упокоєня познатого длугорочного кулского пароха, монаха Василияна о. Йосафата Воротняка.
Службу служел о. Антоний Турчаник, ЧСВВ зоз Словацкей, вєдно з домашнїм о. Платоном Салаком, ЧСВВ. По Служби, швички запалєни и опрез памятней плочи на церкви у дворе парохиї/манастиру ЧСВВ.
О. Йосафат Воротняк 17 роки препровадзел на служби у Кули, а дзекуюци своїм талантом, зробел велї добри дїла на духовним и материялним планє. Велї роки службовал и у України, дзе є и поховани на теметове визначних особох, нєдалєко од Львова.
??????????