РУСКИ КЕРЕСТУР – Школяром осмей класи Основней школи „Петро Кузмяк” 25. фебруара отримане преподаванє з тему „Здравствена култура”, хторе отримала педиятер у керестурскей Здравственей амбуланти др Весна Надь.
У рамикох теми облапени вецей обласци важни за тот возрост школярох, а насампредз то физични и психични, та здравствени пременки у пубертету и адолесценциї, костиранє и подобне. Дохторка одвитовала и на велї питаня школярох.
Преподаванє отримане по образованих планох Школи, а тиж и у рамикох професийней ориєнтациї хтору Школа витворєю за своїх школярох седмей и осмей класи. Прето з тей нагоди була представена и професия лїкара, о хторей шведочела др Надьова.