Злєпшани квалитет води

автор  апм
818 Опатрене

ВЕРБАС – Директор ЯКП „Стандард” Радомир Чурович, руководитель РЄ „Водовод и канализация” Мирослав Фейса и представителє локалней самоуправи вчера нащивели „водоподцаг”, понеже злєпшана робота построєня за преробок води.

Як визначел Чурович, то перши з вецей проєктох за злєпшованє квалитету води на жридлу водоводу, понеже постояци филтери за пречисованє води робели лєм з половку свойого капацитету, а дзекуюци иновациї його колеґи Мирослава Фейсу на дотоку води, оможлївене же филтери тераз пречисцую цалосни доток.

Заменїк предсидателя Општини Милан Ґлушац з тей нагоди визначел же з вибудову новей студнї витворена и векша видатносц, за коло 25 одсто, а предвидзене вартанє ище єдней студнї.

Же квалитет води лєпши указую и интерни анализи у тим подприємстве, бо у води зменшана концентрация желєза и амонияку. Попри тим, зоз „Стандарду” наявюю и виплокованє водоводней мрежи, же би ше одклонєло пасма хтори ше роки ушедую у цивох.

OLYMPUS DIGITAL CAMERA

ПОВЯЗАНИ ТЕКСТИ