ДЮРДЬОВ – Дьордє Чурчич, Дюрдьовчан котри дзешец роки жиє у Норвежскей, ознова донирал защитно-роботну опрему Добродзечному огньогасному дружтву (ДОД) Дюрдьов у котрим бул предсидатель, а член и пионир од трецей класи основней школи.
У тей остатнєй донациї Дьордє Чурчич зоз свою фамелию дюрдьовским огньогасцом подаровал защитно-роботну опрему за осем до дзешец особи, а у тим року планує послац ище єдну часц професийней опреми. Вон у дослуху зоз предсидательом ДОД Дюрдьов Милошом Малешом и з нїм ше радзи о тим цо огньогасцом найпотребнєйше.
Предсидатель Малеш, вєдно зоз огньогасцами подзековни на каждей донациї котра помага и олєгчує окончованє роботи. И на тот завод потвердзена присловка – „Раз огньогашец, вше огньогашец”.
