РУСКИ КЕРЕСТУР – Зоз Мултимедиялну манифестацию младих Дньовка, хтора всоботу, 19. децембра, отримана онлайн як и шицки тогорочни програми у єй рамикиох, закончена тогорочна манифестация Костельникова єшень, 27. по шоре.
Филм „Дньовка – два декати 1998–2017” премиєрно приказани на Маковим Ют’юб каналу, а орґанизаторе того року додзелєли и окремне припознанє За шицки його Дньовки, єдному од найзаслуженших, вецейрочних орґанизаторох тей манифестациї за младих – Сашови Палєнкашовому.
Продуценти филма Мултимедиялни часопис за младих МАК и младежске здруженє Пакт Рутенорум, монтажу слики и дизайн звука поробел Йован Живкович, а реализовани є з финансийну потримовку Роботного цела за младих Националного совиту Руснацох.
Филм о Дньовки и далєй мож одпатриц на Маковим Ют’юб каналу.