НОВИ САД – У Руским културним центре (РКЦ) у Новим Садзе уж два тижнї окремни комби дзеци розвожи дому после пробох фолклору. Комби за тоту намену виєднани, а трошки зноши Национални совит Руснацох.
Як за Рутенпрес гварел руководитель дзецинскей фолклорней секциї Владимир Иван Вева, проби ше отримує вовторок и пияток, а после пробох дзеци дому одходза на комби-превозки.
З Матки комби дзеци розвожи перше до Петроварадину, вец на Лиман, Саймиште, Детелинару, а на концу на Салайку и драга тирва коло 40 минути.
Родичом то вельке олєгчанє, бо нє муша чекац дзеци после пробох, а дзеци безпечно сцигую дому. Особа котра вожи комби уж роками сотрудзує з РКЦ.