З ребалансом опредзелєни пенєж и за треце дзецко, будинок РТВ, здравство

автор сен
965 Опатрене

НОВИ САД – Скупштина Войводини стреду, 28. септембра, отримала цалодньову схадзку на хторей принєшена Покраїнска скупштинска одлука по хторей буджет за 2016. рок виноши 59,5 милиярди динари, цо за 1,59 вецей у одношеню на буджет прилапени у децембру 2015. року.

Звекшанє у покраїнскей каси будзе потрошене, медзи иншим, и на надополнєнє за треце дзецко, реґресованє драгових трошкох за школярох, початок вибудови нового будинку Радио-телевизиї Войводини, опреманє трох анґио-салох у Суботицох, Зомборе и Зренянину и оправку медицинских апаратох.

3-APV-02

На схадзки принєшени и даскельо покраїнски скупштински одлуки о рочних програмох, планох и мирох потримовки у обласци польопривреди, водопривреди и лєсарства, односно за хаснованє средствох з буджетного фонду за розвой ловства у АПВ у 2016. року, потим за лєси, води АП Войводини, защиту, ушоренє и хаснованє польопривредней жеми и за розвой валалох.

Скупштина АПВ принєсла и Покраїнску скупштинску одлуку о ЯКП „Води Войводини” Нови Сад и о ЯКП „Войводиналєси Петроварадин”, а прилапела и Предлог писма о намирох о запровадзованю сотруднїцтва Автономней покраїни Войводини и китайскей провинциї Хайнан.

ПОВЯЗАНИ ТЕКСТИ