ДЮРДЬОВ – Маломатуранти дюрдьовскей Основней школи „Йован Йованович Змай” пияток, седми рок за шором, свой матурски вечар преславели у школским голу. Основне образованє закончели 56-еро школяре, а медзи нїма и седмеро з руского оддзелєня, котрим учителька була Гелена Кухар, а класна Наташа Холошняй.
Маломатурантох, родичох и їх родзину у школским дворе привитала директорка Школи Мария Тртич, дзе школяром додзелєни припознаня, диполоми и похвалнїци и дзе одтанцовали матурски танєц.
З нагоди маломатурского вечара на пол ноци бул огньомет, а преслава тирвала до годзини по пол ноци.
Медзи 9-ерима школярами котри достали Вукову диплому и три школярки з руского оддзелєня – Ивана Цап, Аня Роман и Тамара Тиркайла.
