Инициятива за правенє бициґлистичней дражки медзи Вербасом и Кулу

автор зам; фото врбас.нет
982 Опатрене

ВЕРБАС – Як пише портал Општини Вербас, Еколоґийни рух Вербасу (ЕРВ) тих дньох порушал инициятиву же би ше вибудовало двонапрямну бициґлистичну дражку медзи Вербасом и Кулу, коло Велького бачкого беґелю. Як гварел предсидатель ЕРВ Ратко Дюрдєвац, дражка потребна пре безпечне рекреативне воженє бициґлистох, повязованє индустрийних зонох, односно путованє на роботу роботнїкох, алє и можлїве путованє школярох на бициґлох до штреднїх школох у Вербаше и Кули, з чим ше ушпорує на мешачних картох.

– Найзначнєйше же би бициґлисти були склонєни з барз фреквентней, нєбезпечней и очкодованей часци реґионалней драги Нови Сад-Зомбор, односно медзи Вербасом и Кулу. Бициґлистична дражка би була перша фаза предвидзеней вибудови реґионалного бициґлистичного коридору коло беґелю Бая-Бечей – гварел Дюрдевац.

Инициятива достала потримовку Општини Вербас, хтора би виробела проєкт по медю з кулску општину и дала початни милион динари, а „Води Войводини” порихтани обезпечиц 2 милиони динари и потребни дозволи за вибудов дражки на їх жеми, гварел Ратко Дюрдєвац, а преноши портал Општини Вербас.

ПОВЯЗАНИ ТЕКСТИ