НОВИ САД – Конзул Чарней Гори Миодраґ Каранкаш вовторок, 2. фебруара, у Новим Садзе бешедовал з предсидательом Скупштини АП Войводини Иштваном Пастором о потреби и можлївосци снованя Заводу за културу войводянских Чарногорцох.
Як сообщене по розгваркох, Каранкаш и Пастор бешедовали о можлївосцох цо швидшого снованя тей институциї, чий задаток би бул старосц о унапредзеню и очуваню култури, язика и традициї чарногорскей националней меншини, а у складзе зоз законску реґулативу Сербиї.
О снованю Заводу за културу войводянских Чарногорцох чарногорски конзул прешлого тижня бешедовал и з предсидательом Покраїнскей влади Бояном Пайтичом, котри потримал инициятиву за снованє Заводу, понеже то значи злєпшанє положеня националних заєднїцох у Войводини.
Як сообщел Национални совит Чарногорцох у Сербиї, а преноши РТВ, и застава чарногорскей националней меншини поставена у голу Скупштини Войводини, дзе и други застави националних меншинох.