НОВИ САД – Институт за явне здравє Войводини означує 95 роки постояня и роботи и єдна є з найвекших установох хтора обєдинює числени дїялносци превентивней роботи на тих просторох, з наглашену явно-здравствену функцию.
Институт водзаца здравствена, наукова и фахова установа у обласци явного здравя, чий основни задаток унапредзенє здравя жительства з моцнєньом активносцох у обласци явного здравя, з хаснованьом розполагаюцих просторних, технїчних и кадрових ресурсох и стаємним унапредзеньом знаня и схопоносцох занятих.
Початок роботи тей установи означело снованє Стаємней бактеролоґийней станїци у Новим Садзе 1920. року, а през историю мал вецей назви – Державни гиґиєнски завод бул од 1927. року, од початку 1945. Санитарно-епидемиолоґийни завод, а роки бул познати як Гиґиєнски завод Войводини, яке мено мал од 1952. року.
Од новембра 1977. року, вєдно з ище 16 клинїками и институтами постал часц Медицинского факултету, по роздвойованю Факултету 1991. року бул Покраїнски завод за здравствену защиту, а нєшкайшу назву ноши од мая 2007. року.
З нагоди ювилею, вчера у Мастерс центру у Новим Садзе отримана и фахова конференция.