КОЦУР – Вчера, 10. марца, у Бачким Ґрадишту процив домашнєй „Войводини” коцурска „Искра” стартовала у ярнєй часци сезони у Подручней лиґи Суботица.
Змаганє процив „Войводини” було дерби змаганє. ФК „Искра” на тим чежким госцованю страцела зоз 3:0 и на тот способ „Войводини” препущела лидерску позицию.
„Искра” на змаганє до Бачкого Ґрадишта пошла ослабена без даскелїх стандардних бавячох, а шицки три ґоли достала у остатнїх 10 минутох бависка.
„Искра” после 16 одбавених колох ма 37 боди, а у шлїдуюцим колу на домашнїм терену дочека „Слоґу” зоз Остоїчева.