ДЮРДЬОВ – Всоботу и нєдзелю на Петроварадинскей твердинї отримани 14. Фестивал оптимизму „Беби еґзит”, хтори бул пошвецени фамелиї, а у рижнородней програми на єдней з пейц бинох, на Цифрованей бини, участвовала и старша фолклорна ґрупа КУД „Тарас Шевченко” з Дюрдьова.
Вони ше представели з двома новима танцами – „Тропотянка” и „У нашим дворе студзенка”, з провадзеньом Велького тамбурового оркестру Дружтва. Руководительки фолклорней ґрупи Марина Сабадош и Блаженка Тимко Станкович.
Було то пияте участвованє Дюрдьовчанох на „Беби еґзиту” за шором.
