РУСКИ КЕРЕСТУР – Парохиянє керестурскей парохиї св. оца Миколая ше тих дньох придружели до гуманитарней акциї збераня помоци за стотки тисячи вибеженцох пре войново зраженя на териториї України.
На парохию кажде дополадня, лєбо вовторок вечар на 20 г. до просторийох Каритасу, мож принєсц облєчиво, ствари за особну гиґиєну, як и тирваци поживово продукти. Гуманитарну акцию порушала инициятивна ґрупа, у хторей Мирослав Гочак и Борис Варґа, потримал ю наш еґзарх, владика Георгий Джуджар, же би ше до нєй уключели шицки нашо грекокатолїцки парохиї. До дистрибуциї помоци ше уключи Амбасада України у Сербиї.
Попри тей, Каритас нашого Еґзархату нєдавно порушал и акцию збераня пенєжней помоци за числени дзеци у України котри окреме потрфени з войновима зраженями. Добродзечни пенєжни прилоги ше збера до касочкох, а и до тей акциї уключени и керестурски парохиянє.маф