ВЕРБАС – У Вербаше, у рамикох манифестациї „Музеї Сербиї дзешец днї од 10 до 10” вчера у Реформатскей церкви у центре городу наступело и Дружтво „Карпати”.
КПД „Карпати” представели хор Дружтва под руководством дириґентки Надїї Воротняк, Мишана шпивацка ґрупа, дует Ґалина Вуячич и Надия Воротняк, солиста Янко Сеґеди, а шицки точки провадзел оркестер под руководством Миколи Колета Чижмара.
У Вербаше тих дньох културни змисти єст на вецей локацийох, а окрем програмох за младших, музичних вечарох и подобових виставох, каждого дня на 18 годзин у Реформатскей церкви отримує ше и преподаваня з историї, релиґиї, уметносци.
