НОВИ САД – Нєшка, 24. юния, опрез кнїжкарнї „Булевар бокс” (на Булеваре ошлєбодзеня) будзе єднодньови литературни фестивал „Булевар букет”, на хторим участвую и руски поетеси Татяна Беук Латяк, Тамара Хрин и Ася Папуґа. Литературни вечар почина на 19 годзин.
Нашо поетеси ше публики представя у окремней часци Фестивалу з меном „ТраНСпортере”, вєдно з писателями котри свойо твори пишу по мадярски и по сербски.
Окремна прикмета того проєкту же ше твори будзе читац у ориґиналє, алє и преложени на други два спомнути язики, пре промоцию мултиязичносци.
Фестивал, задумани як музично-литературни вечар, а з представяньом своїх творох збогаца го и познати сучасни авторе Слободан Тишма и Милена Боґавац.