И того року руски язик лєм факултативно

автор бас
881 Опатрене

ДЮРДЬОВ – У Основней школи „Йован Йованович Змай” у Дюрдьове того року до трох оддзелєньох уписани 67 першокласнїки – 40 хлапци и 27 дзивчата, а до Дзецинскей заградки „Дюрдєвак” 54 дзеци, од чого 7 уписани до руского оддзелєня. Вони пондзелок у ОШ були привитани у пригодней програми на руским и сербским язику у котрей участвовали школяре нїзших класох.

Першокласнїкох привитала и Мария Тртич, директорка школи, котра гварела же дюрдьовска школа инклузивна и у нєй єст места за шицких. Наймладши школяре руски язик буду виучовац факултативно, понеже того, як и прешлого року, пре нєдостаточне число школярох у Дюрдьове нє оформене оддзелєнє з порядну наставу по руски.

У дюрдьовскей школи будзе формована ґрупа за факултативне виучованє руского язика, бо уж єст приявених школярох. Медзитим, кед ґрупа будзе менша од дзешец школярох вони буду припоєни ґу старшей ґрупи, а кед будзе вецей школярох вец ше оформи окремну ґрупу. О тим ше будзе знац док родичи пополня анкетни лїстки.

У општини Жабель до першей класи почали ходзиц 350 школяре котрим представителє општини подаровали дарунки – по три едукативни кнїжки и бависка, клайбас, ґумку и машинку за струганє.

3-02

ПОВЯЗАНИ ТЕКСТИ