НОВИ САД – Уметнїцки совит инициятиви за кандидатуру Нового Саду за Европску престолнїцу култури 2021. року одлучел же мото кандидатури будзе „4 new bridges” („за нови мости”) и дефиновал програмни концепт кандидатури.
Мости символизую Нови Сад през цалу його историю – асоцирую на повязованє людзох, културох, вирох, традицийох, прецо Нови Сад постал приклад преплєтаня и богатства розличносцох. Мости жидлове питанє, питанє идентитету каждей особи, орґанизациї, та цалого городу, окреме Нового Саду, хтори єдини город у Европи у хторим у блїзкей прешлосци поваляни шицки мости – сообщел Уметнїцки совит.
У процесу кандидатури штири мости символую штири цалосци – перши културне нашлїдство и госцолюбивосц, други конфликти и миґрациї, треци креативну индустрию и младиа, а штварти мост културни капацитет и явни простори.
На основи задатих рамикох розписана и явна поволанка, на хтору шицки гражданє, нєвладово орґанизациї и институциї можу посилац свойо проєкти. Найперспективнєйши проєкти буду состойна часц Апликациї за финални процес кандидатури.