Капущанїки замерковани у Баймоку

автор Ол. Живкович, фото subotica.com
1.1k Опатрене

РУСКИ КЕРЕСТУР/БАЙМОК – Капущанїки Любици Нярадийовей, котри на „Дньох бунєвацкей културиˮ всоботу 31. авґуста на Етно-фестивалу бунєвацких националних єдлох представели руску кухню, у моцней конкурецниї завжали друге место и припознанє.

Руснацох представяли Желько Ковач спред Националного совиту, Любица Няради спред Туристичного здруженя „Руски Керестурˮ, котра була облєчена до святочного народного облєчива и Славка Варґа спред Здруженя женох „Байкаˮ, облєчена до роботного, каждодньового облєчива.

Штанд котри представял нашу националну кухню бул наисце замерковани. Окрем з  капущанїками, прикрашени бул зоз мелку паприґу Миколи Виная поскладну до пасарайтова, билу и червену швижу паприґу у кошарох и зоз сувенирами Здруженя женох „Байкаˮ .

ПОВЯЗАНИ ТЕКСТИ