КРУЩИЧ – На вчера и позавчером отриманей Општинскей смотри дзецинскей театралней творчосци участвовали 8 представи з местох кулскей општини, а селектор Смотри, режисер Владимир Надь Ачим з Руского Керестура, за дальше змаганє вибрал штири, медзи нїма и керестурску „Як настали бридки слова” Душка Радовича”, у режиї Ксениї Бодянец. Представа витворена у продукциї Драмского стуидя „АРТ” Дому култури Руски Керестур.
На Зонску смотру пласовали ше и представи „Концерт за Невену” КУД „Крущич” з Крущичу, „Петар Пан” Културного центру Кула и представа „Янка и Юли” Мадярского Културного центру „Непкер” з Кули.
Попри з Керестура, на Општинскей смотри участвовала ище єдна представа по руски – „Маче, любим це як цо качка люби каче” Роберта Такарича, у режиї Александри Лендєр, а у виводзеню дзецох з Руского КУД „Др Гавриїл Костельник” з Кули.