Керестурски шахисти успишно стартовали у єшеньскей полусезони

автор яхо
1k Опатрене

РУСКИ КЕРЕСТУР – У просторийох Спортского дружтва „Русин” у Старей школи вчера одбавене пияте коло Медзиопштинскей лиґи Зомбор у шаху, у хторей участвує и керестурски Шаховски клуб „Русин”. Перше єшеньске змаганє бавене процив Шаховского клубу „Сивац” зоз Сивцу.

После длугих и чежких партийох, керестурски шахисти зазначели побиду зоз конєчним резултатом 3,5:2,5.

За ШК „Русин” побиди зазначели Мирко Афич и Иван Пап, док нєришено зоз своїма процивнїками бавели Звонко Медєши, Михайло Венчельовски и Янко Катрина, а пораженє дожил Дюра Венчельовски.

У идуцим, шестим колу, ШК „Русин” госцує на нєдзелю у Растини.

ПОВЯЗАНИ ТЕКСТИ