Керпенє калдермох ше розцагло

автор бас
845 Опатрене

ДЮРДЬОВ – За оправку и керпенє векших дзирох на драгох у местох жабельскей општини того року видвоєни 8 милиони динари, а вчера роботнїки „Бачка драги” закончели оправянє асфалту у Руску улїци у Дюрдьове. У планє оправянє драгох и по  других улїцох у валалє.

Оправянє драгох у општини почало ище у юнию и перше пооправяни драги у Жаблю и Ґосподїнцох, а по роботи у Дюрдьове, драги буду пооправяни у Чуроґу.

– Нє задоволни сом же робота идзе барз помали, бо од єй початку прешло уж пейц мешаци и требало би то цо скорей закончиц. Прето сом пред тижньом послал допис директорови „Войводина драги – Бачка драги” до Нового Саду, же би послали вецей роботнїкох и же би керпенє дзирох було цо скорей закончене – гварел директор ЯП „Розвой”, хторе задлужене за отримованє драгох у општини, Милош Шовлянски.

За драги у Жаблю потрошени 270 тoни асфалту, у Ґосподїнци 30, за Дюрдьов заплановани коло 150 тони, а за Чурог 170 тони асфалту.

Главни улїци у местох општини отримує ЯП „Драги Сербиї”.

7-Djurdjov-02

ПОВЯЗАНИ ТЕКСТИ