РУСКИ КЕРЕСТУР – Попри означованя швета Рождества пресвятей Богородици – Малей матки Божей у рускокерестурскей парохиї, вчера у Керестуре преславени и Кирбай у каплїци Исусових малих шестрох на Циґлашоре.
Кирбайску Службу Божу служел парох о. Михайло Малацко, котри повинчовал Кирбай малим шестром и шицким присутним у тей каплїци хтора вше на розполаганю за молитву и духовне окрипенє. У казанї у контексту того Марийового швета, о. Малацко роздумовал и о анонимносци єй живота, о хторим барз мало записане.
Рождество Богородици означене и на службох Божих у Катедралней церкви на 8 и 19 годзин, як и на Велькей Служби у Марийовим святилїщу Водици, хтору предводзел капелан о. Владимир Медєши. О. Медєши наказовал о значносци швета, о важносци и Марийовей улоги у ратованю людского роду. У Водици сослужел кулски капелан о. Платон Салак, а керестурски капелан о. Михайло Шанта споведал.
На тото швето єдна векша ґрупа вирних з Коцура и даскельо особи з Керестура орґанизовано були на паломнїцтве у римокатолїцким Марийовим святилищу у Дорослове, дзе по давней традициї масовно одходзели нашо предки.
